კითხვა N10009823 პასუხი ქართული შოუები ხშირად წარმოგვიდგენენ ხალხს, მათ შორის ცნობილ ადამიანებს, რომლებიც ყვებიან დაუჯერებელ ისტორიებს.. ზოგმა უცნაური არსება ნახა, ზოგი გატაცებული იქნა მათ მიერ, ცაში უცნაური ობიექტი შეინიშნებოდაო, უცნაური ხმები გვესმის, სარკეში უცხო ადამიანების სახე იკვეთებაო.. მოკლედ რა არ მომისმენია, მაგრამ მე თვითონ ოდნავადაც უცნაური არასდროს არაფერი დამმართნია და არც ჩემს სანაცნობოში გამოუცდია ვინმეს აუხსნელი მოვლენა. დადებითად შევაფასებ ცხადია ტაძარში მომხდარ სასწაულებს, წმიდანთა საფლავებზე რომ უკურნებელი სენით დაავადებული ადამიანები სრულიად ჯანსაღდებიან, მაგრამ არც მსგავსი ისტორიის მქონე ადამიანი არ მყავს არავინ, რომ დავიკმაყოფილო ინტერესი. ამიტომ გადავწყვიტე აქ დავწერო. გთხოვთ, მოყევით ვისაც რა გსმენიათ ან გამოგიცდიათ მისტიკის თვალსაზრისით. თუნდაც ელემენტარული, მაგ.,სიზმრის ახდენა ან გასაკვირი დამთხვევები.